The Flash By'S

Subtitle

Flash By'S Chanchin Tawi

           

FlashBys

         

1997 kha ni ta in ka hriet. Tleirawl lungpuom, thilthar thaw chakna a sip, lungril innolai le hmangaina la’n tem phaksi lo, intem chak em em, khuo inthalin ruotui a mamaw em em ang el a hmangaina a dangchar hun, ti zawng deu hai be ngam char silova zuidipa zui hun lai kha a nih. Lekha inchuk lakrun hun laitak, tlanglakte, rawl inlai hun lai tak kha ni ta in ka hriet. Kan ruolcham chu hmangaina tieng pangah professional thieu kan nih, a hrila hrilin. Chu chu changchawiin, “Forget Love And Study Hard Before You Suffer” tiin FlashBys formality um thak lovin group ang deuvin indin a nih. ‘If love is your weakness, you are the strongest person on earth’ ti zing pumin ruolhai hrietnaw karin sailai di kan lo nei thup el. A then lem chu FlashBys member ru inti em em in, vengtinah ‘Ka hmangaitak’ an lo intung thup el nawk si. A zeilo deuhai hlak kha “mani tum tawk vanzem” tiin kil khatah intung u-a-ma na ding chu an bo bik der nawh.

            Vawikhat chu, a changtupa tak kawppui a nei ta bawka tiin nunghakte kan inlawmpuia. Kha taka khan professional taktak hai kha, thei inla chu beginner certificate le naute nene nek na inhlan hiel ka nuom. Hril rama professional chau ni lova, Doctorate degree nei hiel awm khawp in lei kha an per thei a nisi a!!? A tak rama ruok chu, Pathien ramri pelin pathlawi meu eiin huk dut dut tep el chu a ni kha. Vaiha’n ‘sala’ anti nek khawmin lungsen a um lem niin ka hriet.

            Turuok hin chu, kawp thlip thlepin mani rem tawk tanga in beiin vanglaihun an hmangral meka. Hmangaina khawm hre fu hman ta lo khawpin India ram dap suok rakin mani sina hring un takin an um tah. FlashBys in a man ve phak lo member thenkhat khat hai hlak chu, tuolto nunghak el ditkhawp lovin ‘sapthei huonah sap nunghak, a bieng sen inno tai el le, a basam khawm changalhme a duthusam, a vuoi hnung khawm sum hnar la ni fan ah tuon an rela. Tu dang leng dang ngailovin, thlamang zan khawm, ‘a var de aw!!!’ tiin nunkhuo an pham a. Duthuleng aiangsam ruok chu sira hnawl zai an la rel thei hri naw a nih.

            Tuhin chu ‘pani chunga leng der der’ ang elin hmangaina chimphak lovin an leng der der el an tah. Lekha inchuk ngai ta lovin lekha’n an chuk kir lem an tah. Hmangaina ngaia kur-in-kuk hai kha, hmangaina’n a tirdak a, nuom ir inno, hmur thienghlim sienkhawm lungril satene ringawt hai kumtluong a run lumpui nek chun, damsung hun tawite ni sienkhawm, lungril in sakpui thei ding, mi naunuhai hmel ang lo deu khawm thlanglem ta dingin FlashBys memberhai po po ka ditsakna kan hlan cheu.

 

Rieltui ang a thamral si maw !!!!                                                                      - Gina pa 

               Hraichawi leng kara lengin nunkhuo, vanglai hun le ni kan tiem zova, nang naw chu tia biethu tinkim kan inhlan le kan duaisam tinreng hai kha khuoi ang an khel chu a ni el ta hi. 'Duai sam chau maw i tawnah anrieng hin' tiin luoithli ka nul bang thei naw chu a ni der el.

            Kha lai hun kha aw, ko kir thei nisien tuisuoriet ral kai ngai khawp nisienla khawn, ka hmangaina le a hmangaina inkawp chun kai zo ngei a tih. A sakhmel daartui luon ni silo, ngainobeina le lungrun um tak. A basam tla sieu el le a mit mengmawi, bieng insum kieu el. Khuovang le hmangaina pathien hai khawma an sungtuona neka tha lem le mawi lema an i duon, ditumna popo an inkhumtir hiel ni awm hlie hlie, sawisel ei tum po leh a thatna ei hmu zuol deu deu, a sakhming khawma ka ko phal ngailo ka 'SWEET SMILE' kha . Ka singmit hi anthima, ka ngaituona an vai a, ka hnuoi taksa hi a awngrawp hma chu innghil zai rel nawng ka tih.

            A chin pawl ni lang khawm old comer ka ni leiin kan ti 'a phau sa ba' ve deu reuva. Kai thar hai kha chu ka sang en deu vang ringawta. Hmangaina lampuia 'hranglam' la thai ve ngailo ti taka, new comer hmeltha khawmin kori a tu zo hlawl nawh. Amiruokchu, ka sweet smile ka hmu ni a inthawk chun tu am ka ni ti khawm ka hriet ta nawh. Ka hming hiel khawm ka theinghil. Hmangaina ka ni tawp el a nih. Chu taka inthawk chu school kai a hung inhawi a, thiem naw bik ni inzak a hung um a, theipalingkawa thang a hung ngai pha ta a nih.

            Val zeilo ti po ka ta a na, ka dit le hmangai zie kan tlun tum po leh, a hmelthatna'n a mi zem buoi a, thingbul, lungbul hai bula ka practice kha chu a bo chai el hlak a nih. A bula um inhawi ka ti a, ka bula um inhawi a ti a, lungril inpaw tak si, a tak rama ieng hril ngam silo. Kan inngaiin, kan inthlakhla hle thung. Chawl minute 45 khawm mitkhapkar ang chau a ni hiel hlak.

            Tumkhat chu ka ruolpa leh ka sweet smile chanchin kan hrila, khawvela kan zak tum tak, thei nisien la lem chu tuisuorietin mi lem dai sien ka nuom hiel. "The moment I notice she notice what I thought she is not noticing" ti tawngkam a suok hiel na ni chu. Chu nia inthawk chun lungril chauva inpaw hlak kha, a tak rama chen inpaw hieuvin thiemna sikul runah sing lawi za in lenlai par kan tlan a. Muolphona kawna inthawk hlimna rama mi kei luttu a lo ni zing el.

            Hun le nihai a hung liema ka hmangaina a zuol deu deuva. Sienkhawm lengna khuo hmun lo el bakah mihriem rama ei rohlu hai inchen mawl lo chu, a chunnu mit mengmawi reng tawng lovin, a ruk te'n nau ang kan tap hlak. Sienkhawm ka mengmawi tawngkam sweet smile chun chatuon pielrala inthawk khawmin a mi ko suok hlak si. Kan ta dinga thiemna varna suol dingin ramtuon zai kan rela, a hlimthla le thaikawi ka chantawk chu buon ang pawmin hlim sieuva intawng nawk ni ding tiemin hun le ni hai kan hmanga. Sienkhawm chunnu lungmawl thuom ang do zo lovin laimi tha sul ang a zui ta ie !!!

            Damtea darang intawng duaisam chu khuoi ang inkhelin, thamral silo hmangaina chu rieltui angin a luong ral ta a nih. Thei nisien chu nau ang hlim sieuva suilung ruola kan lenglai hun hai kha ko kirin lungchimlo tak le duot takin ka tang laiah buon ang  pawm ka tih. Sienkhawm tak chang lo hmangaina chu RIELTUI ANG A THAMRAL ta si maw!!!!!!!

Members Area

Subscribe To Our Site

Recent Podcasts

Lawmlutna

The Flash By'S i hung visit leiin kan lawm che a, member hung ni ve dingin kan fiel nghal bawk che.

Recent Blog Entries

Recent Photos

Newest Members

Recent Videos

138 views - 0 comments
139 views - 1 comment
69 views - 0 comments

Bible Search

Bible zawngawlna



BibleGateway.com

Upcoming Events